:: :: :: :: :: :: :: :: On Demand Chicken Burbutwaalaa:: :: :: :: :: :: :: ::

ஹெல்லோ சகோஸ்.... நிறைய பேர் இதனை ஃபோட்டோவொடு போடச்சொல்லி கேட்டதால். இதோ ஒரு பதிவு அதற்காகவே. ரொம்ப சிம்பிளானது, ரொம்ப டேஸ்ட்டானது. தயிர் சாதம், ரசம் சாதம், பிரியாணி என எல்லா வகைக்கும் ரொம்ப பொருத்தமானது. நிமிஷத்துல செய்துடலாம். 

இதே ரெசிபியை வைத்து சோயா நக்கெட் உருண்டைகளை போட்டும் செய்யலாம். சுடு நீரில் கொதிக்க வைத்தெடுத்து பின் நன்றாக பிழிந்து நீரை வெளியேற்றி, இரண்டு துண்டுகளாக்கி அப்படியே சிக்கனுக்கு பதிலா உபயோகிக்கலாம். சோயா உருண்டை மாதிரியே இருக்காது.

தேவையானவை:

பாருங்க....இவ்ளோதான்...இவ்வளவேதான் தேவை :)

தோல் பிடிக்கும் என்பவர்கள் மட்டும் தோலோட போடுங்க...வேண்டாம் என்பவர்களுக்கு,தோலில்லாமத்தான் டேஸ்ட் ஜாஸ்தி... ஹி ஹி :)

• தக்காளி  - 1 கமலா ஆரஞ்சு சைஸுக்கு /  கால் கப் அளவுக்கு.
• சின்ன வெங்காயம் / பெரிய வெங்காயம் - 1/4 கப்- சமமாக இரண்டு அளவு பிரித்து வைக்கவும்.
• இஞ்சி பூண்டு பேஸ்ட் - 1 டீஸ்பூன்
• கரம் மசாலா - 1/4 டீஸ்பூன்
• மஞ்சள் தூள் - 1/4 டீஸ்பூன்
• தனியாத்தூள் - 1/2 டீஸ்பூன்
• மிளகாய்த்தூள் - 1/2 டீஸ்பூன்
• குறுமிளகுத்தூள் - 1/2 டீஸ்பூன்.(காரம் பத்தவில்லையென்றால் இதன் அளவை கூட்டுங்கள்...மிளகாய்த்தூளை அல்ல)
• எண்ணெய் - 2 டீஸ்பூன்
• தேங்காய் துண்டுகள் - தேவைப்பட்டால்
• சிக்கன் - அரைக்கிலோ சிறிய துண்டுகள் (தோல் நீக்காவிட்டாலும் சரியே .. :) )

1.  எண்ணெய், தேங்காய்த்துண்டு, சிக்கன், ஒரு பங்கு நறுக்கிய வெங்காயம் தவிர மத்ததெல்லாம் (இன்னொரு பங்கு வெங்காயம் உட்பட) எல்லாவற்றையும் சேர்த்து மைய அரைத்தெடுக்கவும்.

2. ஒரு கடாயில் எண்ணெய் காய வைத்து, எடுத்து வைத்துள்ள ஒரு பங்கு வெங்காயத்தை இட்டு நன்கு வனக்கவும்.

3. சிக்கன் துண்டுகளையும் இட்டு நன்கு வதக்கவும். இரண்டு நிமிடம் கழித்து அரைத்து வைத்துள்ள பேஸ்ட் போடவும். உப்பு கொஞ்சம் கொஞ்சமாக சேர்த்து சரி பார்க்கவும்.

4. விரும்பினால் சிறியதாக நறுக்கிய தேங்காய் துண்டுகளைப் போட்டு பிரட்டி விடவும்.

5. அடுப்பில் மிதமான தீயில் பதினைந்து நிமிடங்கள் மட்டும் மூடி போட்டு வேக விடவும். நடுவில் ஒரு, இரண்டு தடவை திருப்பி விடவும்.

6. இதில் வெளியாகும் சிக்கனின் நீரும், அரைத்த பேஸ்ட்டும் சேர்த்து ஒரு கிரெவியாக மாறும். அதைத்தான் உர்தூவில் பர்பட் (burbut) என்போம்.  :) ரசம் சாதத்திற்குக்கூட இந்த ரெசிபி மிக பிரமாதமாக இருக்கும். அந்த கிரேவி கண்டிப்பா குழந்தைகளின் ஃபேவரைட் ஆயிடும். :) பேச்சிலர் சகோதரிகள், சகோதரர்கள் எல்லோருக்குமே ஈஸி...:) அண்ட் டேஸ்ட்டி :)